blogga blogga bloggggg

hæ ég hef ákveðið að byrja þetta blogg á nokkrum eldri bloggum sem ég hef sett á vinkonubloggsíðurnar þar sem ég veit ekki alveg hversu dugleg ég verð að blogga í sumar og þá verður allavega eitthvað á síðunniGlottandi 

14.apríl ´06 Í gær fór ég í fermingarveislu hjá Gunnari. Konný auðvitað líka. Fín fermingarveisla. Mér leiddist ekkert voðalega mikið þar eins og er yfirleitt venjan í fermingarveislum. Það var bara fínt að sitja og tjatta inni í bílskúr. Þó lenti ég í örlitlum vandræðum. Þannig er mál með vexti að fátæki námsmaðurinn ég á bara einar “fínar” buxur, en þær eru bara ekki eins fínar og þær annars gætu verið því það er gat í klofinu á þeim. Mér fannst nú lítið mál að redda því bara með því að næla gatið saman með öryggisnælu, þið vitið svona sikkersnælu. Ég á sko fullt af þeim í mínum fjórum saumakössum. Já! Ég á fjóra saumakassa!! því móðir mín heldur alltaf í þá hefð að útbúa svona neyðarsaumakitt þegar dætur hennar flytja að heiman, ef það skyldi nú koma upp saumsprettutilefni eða annað eins. Ástæðan fyrir því að ég á svona marga er sú að ég flyt alltaf heim aftur á milli þess sem skipti um skólahíbýli. Og alltaf fæ ég saumakitt. Það var nú ekki fyrr en fimmti kassinn var að fæðast að ég hafði nú vit á að afþakka slíkan kassa, þar sem hinir 4 voru nánast ósnertir vegna þess að Guðrún systir fékk húsmóðurgenin mín og að þeim sökum er ég bara ekkert voða mikið fyrir þetta saumaves. Myndi rukka hana um genin ef ég væri ekki að stórgræða á því að hún er eins og hún er;) Algjört yndiJ En anyways, þá lenti ég nú í þeirri ólukku að týna sikkersnælunni í miðri fermingarveislunni. Hvernig fer maður að því að týna slíkri nælu án þess að hún stingi mann í rassgatið??? Mar bara spyr sig. Þar sem þetta gat var svolítið stórt þá langaði mig nú að finna næluna svo ég þyrfti ekki að vera með samanklemmdar lappir það sem eftir var af veislunni. Átti ágætt móment með Konný þar sem ég stóð með buxurnar á hælunum og sagði henni að leita að helv.. nælunni. Svoleiðis gerir maður alveg í fermingarveislum!!! Ok við vorum reyndar inni á klósetti;)  En blessuð nælan fannst ekki svo ég neyddist til að vera alveg óþolandi dömuleg það sem eftir var af veislunni svo að fólk myndi nú ekki sjá uppí það allra heilagasta. Að vísu hefði það bara sé kóngulóarvef...sökum þess hversu lítt spennandi my love life has been latelyL  hehe datt samt í smá stund í hug að helv... öryggisnælan hefði kannski farið uppí u know what hole;) þá væri nú kannski komin annar póll í hæðina í umræðunni um öruggt kynlíf;););)

Jæja verð að halda áfram að læra    pís át Dísa Diggs;)

 ?? apríl 2006 Ég var í mjög skemmtilegum svona hálfgerðum show & tell tíma upp á landsspítala áðan. Ég  er nefnilega í kúrs sem heitir Samþætt sjúkdóma-og lyfhrifafræði og mér finnst hann mjög skemmtilegur og það sem er sérstaklega skemmtilegt er að sá sem kennir flesta tímanna er lungnasérfræðingur og er alveg svakalega sætur og mikið krútt ;) mmmmm;) anyway þá byrjaði tíminn á því að við héldum smá fyrirlestra um hin ýmsu krabbameinslyf sem við lásum um í lyfjafræðitímaritum. Það var mjög áhugavert og það er mjög gaman að sjá hvað öllum hefur farið fram í að tala um svona hluti fyrir framan hóp af fólki. Við höfum verið að gera mikið af þessu í vetur og fólk er næstum því farið að gera þetta eins og að drekka vatn. Ég finn t.d. mikinn mun á mér núna heldur enn fyrr í vetur því ég geri mér miklu betur grein fyrir því hversu vel undirbúin ég þarf að vera þegar ég held svona erindi því oft fær maður spurningar sem krefjast þess að maður þarf að vera búin að kynna sér efnið vel. Mér fannst líka gaman að sumt vorum við að kynna fyrir lækninum í fyrsta sinn...finnst það eitthvað svo fullorðins;)  En svo fórum við að skoða hvar krabbameinslyf og næringarmixtúrur eru blandaðar í apótekinu á landsspítalanum. Það var mjög áhugavert að sjá hversu miklar varúðarráðstafanir þarf að gera bæði til að hindra örverusmit til sjúklinga í næringarmixtúrunum og líka til að vernda starfsmenn sem eru að blanda krabbameinslyfin því flest þessarra efna eru náttúrulega algjört eitur og sum eru jafnvel krabbameinsvaldandi.  Það sem mér fannst langskemmtilegast að skoða var vefjarannsóknastofan. Þar eru t.d. lík krufin, útlimir rannsakaðir og ýmis vefjasýni skoðuð. Það var reyndar ógeðsleg formalín lykt þarna inni því það er notað til að hindra að líkamspartar rotni. Við skoðuðum leg sem nýbúið að taka úr konu, það er ekkert smá lítið og ómerkilegt að sjá! Það er ótrúlegt að svona lítill hlutur skuli geta valdið svona miklum kvölum í hverjum mánuði!!Svo sáum við lunga úr reykingamanni. Shiiiiiiiit!!! Ok maður hefur alveg séð myndir af þessu en það jafnast bara ekkert á við að sjá þetta svona í alvöru. Þetta var meirihlutinn af öðru lunganu og í því var æxli á stærð við tennisbolta. Það geðveikt skrýtið að sjá það og það var grjóthart. Svo var lungað allt svart af sót!!  Pælið í því ef það myndi kvikna í eldhúsinu ykkar og það væri allt svart af sót eftir það. Myndi ykkur bara finnast allt í lagi að hafa eldhúsinnréttinguna ykkar svona það sem eftir er??? Þetta var svo ógeðslegt!!!!!!! Sorry ef ég móðga einhvern en fólk sem reykir eru FÍFL!!!!!  Þegar við komum svo út þá var líkbíll að bakka upp að húsinu og var sennilega ða fara að ná í lík sem búið er að kryfja eða á eftir að kryfja. Svo þegar bílstjórinn steig út úr bílnum þá sá ég að þetta var gaurinn frá útfarastofu suðurnesja. Veit ekki af hverju en mér fannst það vera eitthvað scary. Eitthvað svo raunverulegt. Eitthvað svo “kannski nær hann einhvern tímann í mig eða einhvern sem ég elska þangað og leggur nákvæmlega í þetta stæði”.Hmmm best að hætta þessu.... 

Pís out Eydís pæja ;)

 23.apríl 2006 Ég nenni ekki að læra. Mér finnst leiðinlegt að vera í próftíð. Maður tjúnnast allur upp og verður ótrúlega steiktur í hausnum. Sennilega sökum einhvers system overlaoad þar sem heilinn er engan veginn vanur því að hugsa svona mikið á einu bretti. Svo er eins og allir gallar sem maður hefur magnist upp. Meira exem,meiri bólur (ó joy) og allir kækir verða óþolandi. Eins og t.d. að ég verð alltaf að hafa eitthvað í höndunum til að fikta í, hræra, hrista eða hvað annað. Í prófunum í fyrra fór ég að dangla í hausinn á mér með reglustiku úr tré. Bara svona á meðan ég var að lesa. Áður en ég vissi af þá var danglið orðið svo fast að ég var komin með hausverk. Ég ákvað að hafa engar reglustikur á borðinu í þessari próftíð.  Í gær var ég að lesa um orma-og sníkjudýralyf og mig var farið að klæja allsstaðar og fannst punktarnir á blaðinu mínu færast úr stað. Ojj.Í dag var ég að lesa og mundi ekki hvað orðið synergismi þýddi. Ég var voða samviskusöm og strikaði undir orðið með rauðum lit og ákvað að ná í orðabókina mína og fletta því upp. En á leiðinni inní geymslu, þar sem orðabókin mín er, þá tókst mér að gleyma af hverju ég stóð eiginlega upp. Það er sko hægt að ganga frá enda til enda í íbúðinni í 10 skrefum (mældi það sko), svo upplýsingarnar eru nú ekki lengi að leka út, eða ca. 3 skref. Nú svo ég ákvað bara að vaska upp því jafnvel það lítur vel út í próftíð. Og þurrkaði af. Og ryksugaði. Svo þegar ég var búin að þessu öllu þá settist ég nú niður til þess að halda lærdómnum áfram. Þá sé ég orðið synergismi sem ég mundi ekki hvað þýddi og var búin að strika undir það með rauðum lit.........hmmm best að fletta upp í orðabók!!!Og ég er með túrverkiLPís át Dísa Diggs p.s. synergismi er starfsmögnun eða samvirkni þannig að heildaráhrifin verða meiri en samanlögð áhrif hinna einstöku þátta. Svona ef ykkur langaði til að vita það;) það er einmitt það sem gerist þegar við tökum lyf eins og Primazol við þvagfærasýkingu. Þá virka súlfametazól og trimetaprim á 2 mismunandi ensím í lífsamtengingarkeðju bakteríunnar og hafa þannig mun meiri áhrif heldur en ef efnin væru gefin eitt og sér því þá virka þau bara á eitt ensím;) geðveikt sniðugt;) þannig að næst þegar primazol gerir kraftaverk þá getum við sagt: “guði sé lof fyrir synergisma” og við þurfum ekki að fletta því upp í orðabók!!

Jæja fara að læra kannski.........................

 

 

3.maí´06SælarJæja nú er næsta próf hjá mér á laugardaginn í lyfjagerðarfræði. Er ekki alveg að nenna að lesa þessa stundina. Finnst það bara einhvernveginn mun mikilvægara að láta mig dreyma um eitthvað allt annað en gæðakröfur, töfluslátt, granuleringu, smurefni og deyfilyf fyrir tígrisdýr (sem ég leyfi mér nú að efast um að ég muni nokkurn tímann nota). Þessa dagana er ég alltaf að ímynda mér að ég búi í lítilli íbúð á Santorini með draumaprinsinum mínum og gerði ekkert annað en að skrifa skáldsögu og borða ávexti og súkkulaði allan daginn.mmmmmmm. Hólí mólí það er bara mánuður í fyrstu giftinguna í vinahópnum....mar er orðin svo fullorðin. Ég vildi samt stundum óska þess að þetta væri svona amerískt brúðkaup þar við vinkonurnar værum brúðarmeyjar í ógeðslega ljótum ferskjulituðum kjólum með stórri slaufu á rassinum. Þá myndi ég líka fá að kyssa myndarlegasta brúðarsveininn eða hvað sem þetta er nú kallað. Díses það er spurning um að fara á ærlegt djamm um leið og prófin eru búin og redda þessu einsemdarástandi...hmmm...bíddu við jú við erum sko að fara á djammið um leið og síðasta prófið er búið;););) gæsi gæsi gæsi!!!!! Verð að muna eftir að ná í vegabréfið, dollara, sterlingspund og evrur, fara í bikiní vax, kaupa líftryggingu, læra að spila black jack, fá stífkrampa sprautu, kaupa deyfilyf fyrir tígrisdýr (hey!! ég mun kannski nota það eftir allt saman!!), fá mér bol og buxur í felulitunum, gummístovler, bláa og rauða spreybrúsa, 9 nælonsokkabuxur og rifja upp atriði í stellu í orlofi sem ég er búin að gleyma.  Shit mar ég hef bara ekki tíma til að vera í prófum! 

Pís át    Dísa  Diggs;)

 9.maí´06ohh hvað ég dýrka þegar það er svona molla yfir borginni. Einhvernveginn svona dularfullt mistur sem heldur hitanum við jörðina og manni líður eins og maður sé í útlöndum því loftið og vindurinn eru ylvolg. mmmmmmannars er ég nú að reyna að myndast við að læra þar sem ég er að fara í próf á morgun en ég verð nú að viðurkenna að ég hef nú oft verið ferskari. Er samt búin með tvo kaffibolla. Snilld að hafa svona fína kaffivél í 10-11 á fyrstu hæðinni-mann getur alltaf fengið sér mismunandi tegundir af kaffi. Held að þennan “mikla” ferskleika megi reka til þeirrar staðreyndar að ég var að læra til rúmlega 3 í nótt. Ég bara gat ekki sofnað svo ég ákvað að nýta tímann í að læra. Samt soldið absúrd að geta ekki sofnað og vera að lesa um svefn, svefnvenjur og svefnlyf!Í gær hélt ég í nokkrar sekúndur að ég hefði loksins fengið draum minn uppfylltan um að geta ferðast um tímann. Komu svona 4 auglýsingar í röð í útvarpinu um að allar verslanir bónus væru lokaðar þann 1.maí og ég hugsaði “yesss það er bara fyrsti maí sem þýðir að ég hef 5 daga til að læra fyrir próf sem ég er búin að fara í !!”  en sá draumur flaug jafnfljótt út um gluggann eins og hann kom út úr útvarpinuLÍ gær grillaði ég. Ég hef nefnilega haft uppi miklar morðhótanir við nágranna mína undanfarnar vikur vegna þess hvað þeir eru duglegir að grilla. ok ég bý reyndar í blokk við hliðina á nokkrum blokkum svo það tæki kannski tíma að uppræta alla sökudólgana þar sem nágrannar mínir eru ansi margir. En góða hliðin er sú að ég þekki þetta fólk ekki neitt svo ég myndi bara ekkert sakna þeirra þó þau hyrfu.múhahah. Fólk verður bara að átta sig á því að það er ekki hægt að halda einbeitningu í lærdómi þegar grilllyktin fyllir vitundin og maður veit það mætavel að þetta er ekki lyktin af ristabrauðinu sem maður er að fara að borða. Svo ég keypti mér grillkjöt í gær til þess að vera nú einu sinni sú sem allir aðrir öfunda. Ég á að vísu ekki grill svo ég náði mér bara í fjöltengi og skellti george foreman grillinu mínu út á svalir. Fékk mér bjór og borðaði þessa fínu grillsteik;);)Jæja best að fara að lesa um getnaðarvarnir. Ekki það að ég þurfi eitthvað prívat og persónulega að vita hvernig þær virka (ég er ekkert bitur) heldur vegna þess að það verður sennilega spurt um þær á prófinu á morgun!

 

16.maí´06 Takk fyrir síðast ;) ég skemmti mér alveg voðalega vel!Þessa stundina er ég bara að njóta þess að vera búin í prófum og einbeiti mér að því að gera ekki neitt.mmmm lífið er ljúft þessa daganaJ í gær hitti ég lyfjafræðistelpurnar á vegamótum. Þetta er orðin svona hefð hjá okkur að fara á vegamót öðru hvoru. Ég fékk mér humarpizzu og shit hvað hún var góð!!!!!!!!!!!!!! Ég mæli sko 320% með þessari pizzu ef þið farið á vegamót. Nammi nammi nammi nammJÉg hugsa að dagurinn í dag fari í það að þrífa íbúðina mína.....ef ég nenni því. Hef varla þrifið eða þvegið þvott síðan prófin byrjuðu....not pretty. Annars hefur þessi próftíð einnkennst af stóru,gráu joggingpeysunni minni, rauðu kvartbuxunum sem ég keypti á útimarkaði úti á spáni (konný og mæja keyptu sér líka svoleiðis), kaffi í pappaglösum úr 10-11 (því mér finnst kaffið í vélinni þeirra svo gott), baby gulrótum og auðvitað nammiógeð líka. Svo stútfyllti ég tölvuna mína af tónlist með Coldplay, Teddy Geiger, José Gonzales, Jeff Buckley, Ragnheiði Gröndal, Norah Jones og Imogen Heap. Þessi playlisti var á repeat alla próftíðina og ég er samt ekki komin með leið á þeim-ég elska þau alveg jafn mikið og þegar ég heyrði í þeim fyrst;) Í gærkvöldi náði ég mér í lagið Girl next door með Saving Jane. Það er svo ótrúlega skemmtilega bitur texti í þessu lagi. Er að hlusta á það núna á repeat, ég á það svolítið til að nauðga lögum þegar ég fíla þau. Hlusta á þau daginn út og inn.En jæja ég er að pæla í að fara með allar dósirnar í sorpu og fá pening fyrir þær J ekki veitir af þessa dagana.... 

Pís át    Dísa Diggs

  

 

 


Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband